فراق

ما تخافش يا فــــــــــــراق

ده أنا حتى عشقتك

وصبحت انت حبيبي

وأنا رفيقتك

عارف يا فــــــــــــراق..؟

ما بقتش أخـــــــــاف

لو من بعيد أو من قريب جت سيرتك

أو يوم أنا أشوف صورتك

مطبوعة في عيون سهارى

مجروحين طالهم ظلمك

سيبك انت من رعشة ايدي

  أهي بكرة تمر

أو دمعة لمعت في عيوني

دي يا دوب يا فـــــــــراق

دمعة حزن

وغريبة دي..!؟

بقلق أوي يا فـــــراق

من أي قــــــــــــــرب

أو لحظة أعيشها فيها حب

أو طيف طيب وفى

يرافقني في أي درب

ويــاه عليك يا فـــــراق

قــــــــــــــــــــــــــادر

وفيك قــــــــــــوة

تهد في لحظة

وتمحى ولا يهمك

تقرر مصاير وتحط ليها حد

تنهى وتأمر بكيفك وما في حد

يقدر يقولك نص كلمة

مالك يا أخي اتهد..

عندك مشــــــــــــاعر..؟

ولا مخلص أوى حضرتك

لمهمتك في دنيتنا ديا بجد

عارف انت ليـــا

كنت أوفى صاحب

ولا يوم شكيت..

ملـــيــــــت

ولا قلت لي يا فــــــــراق

نــــــــــــــــــــــــــــفارق

و الله عليك يا فـــــــــــراق

ماشي معايا على طول الخط

صادق معايا في كلمتك ليا

مهما أنا أتشال وأتحط

هتفضل كدة ملازمني

ولا أية بالظبط..؟

أوعاك تكون زعلان

يا فـــــــــــراق مني

دي فضفضة على غضب

غصب عنى

تقدر تقول كدة لحظة ضعف

أو جنون مني

عارف أنا هسكت خالص

وهريحك من تفكيري

وهضم حزني

وأقفل عليا بيباني

قال يعني كانوا مفتوحين

قبل منك

ولا عمري هندب أنا

 حظي

ولا أقول يا فــــــــــــراق

أشمعني غيري

هرحب بيك وأضمك

وأواجهك بكل اللي أتبقى

فيا من شجاعة يا سي فراق

وهقول إيه يعنى لو وحدتي مصيري.