بفرمان ملكى ممنوع التقبيل

من يوم وانا بقلب فى القنوات التى تملأ الفضاء بدون اى لازمه فجأه ولا اعلم السبب حتى الان توقفت عند احدى القنوات المغربيه فشاهدت حاكمها وهو بالزى المغربى والطربوش وبجانبه ابنه "ولى العهد" يرتدى نسخه مصغره من زى والده ويمشى بجانبه"عليا النعمه لو حوستى كان عملها كان زمانا خدنا بالنا من جيمى واتصرفنا يعنى بعتنا حد يخطفه الحاجات اياها دى"رجوعا لمرجوعنا....الحج حسب الله السادس عشر كان تقريبا بيفتتح مركز متخصص لإعادة تأهيل المرأه ,ومن ضمن جولته دخل على فصل لمحو امية كبار السن, المهم السيدات المتواجدات بالفصل بدأو يهللوا ويزغرطوا وعملوا قلق لما شافوه المشهد متفبرك تمام"كالعاده",شويه وشفت منظر تنحت قدامه ست عمرها يناهز ال70 خريفا او هكذا تخيلت  مسكت ايد الملك وراحت بايسها وهو فرحان ومنشكح اوى" يكونش ده سلو بلدهم وانا مش واخده بالى" وكله على كده هات يابوس فى ايد الراجل مش يشد ايده ويقول استغفر الله العظيم"  شغل المسلسلات العربى عندنا" لا عادى جدا كله تمام,,,,,انا لما شفت كده قلت على رأى المثل من شاف بلاوى الناس هانت عليه بلاوته, كأن حوستى يقدر يعملها ويمد ايديه كده لأى حد يبوسها قدام الاعلام تؤ تؤ ده حتى يقرف...بعد قليل من البحث اكتشفت نتايج كتير عن الموضوع ده وعن انه عاده عندهم تقبيل يد الملك ...وقال ايه بسلامته ياضنياى منع عادة تقبيل اليد دى وده جزء من احدى المقالات اللى وجدتها"الصحف المغربيه ذكرت أن ملك المغرب قال :أعلن من مكانى هذا عن رفضى القاطع لهذا الامر ,وأسأل الجميع أن يعملوا بذلك ويمتنعوا عن تقبيل اليد إلا للوالدين برا بهما .وجاء هذا الموقف على خلفية أن تقبيل اليد لا تقبله النفس الحره إلى جانب أنه يؤدى إلى الإنحناء ,وهو أمر مخالف لشرع الله والمؤمن لاينحنى لغير الله الواحد الأحد" ...

لا وفى مقال تانى عشان يعنى تكمل فقع مرارتى الكريمه...صحفى يتجرأ ويطالب بالغاء تلك العاده والملخص يعنى عشان ننجز ان الصحفى سكلته امه ده اللى تجرأ وطالب بكده كان خايف على صحة الملك من الرعاع اللى مابيستحموش من السنه للسنه وده كله بسبب ان الملك تعب وبعض الدكاتره صرحوا بإن العدوى إنتقلت لجلالته بسبب كده فاهمين يابقر يعنى بطلوا تلزيق بقى وماتبسوش,

وفيما أثار غيظى انه الله يرحمه ويبشبش الطوبه اللى تحت راسه ابوه كان عاشق لتلك العاده وانه كان يصر على إبقاء يده ممدوده إلى من يسلم عليه وإنه  كانت عادة تقبيل اليد إجباريه عنده اعفى منها بعض العلماء...لقد من الله علينا بالإسلام ولغى ماكان من امر السجود  والانحناء وتقبيل النعال للملوك والامراء تكريما لإبن أدم الذى أسجد الله لوالده(أدم عليه السلام) الملائكه ...ولكن هناك من النفوس الضعيفه التى تبحث عن إخفاء جبنها فى إذلال الناس...عافانا الله واياكم من أن نكون منهم وهدى الله الجميع.