عسل BAL

انا كنت مقرره انى اكتب عن أزمة الخيار الأسباني وبكتيريا ال إي كولاي بس رجعت فى كلامي وقلت بلاش قرف و اكتب احسن عن أجمل فيلم شفته او يمكن من أجمل 10 أفلام شفتها  طول حياتي وارشحه ليكم عشان تشوفوه وتدعولي ,

الفيلم تركي واسمه bal  أو عسل بالعربي ..إنتاج سنة 2010,الفيلم بسيط بدرجة لن تتخيلها وجميل جدا وممتع لدرجة البكاء,وبيحكي عن الطفل يوسف اللي بيعاني من مشكلة فى النطق و إختفاء والده اللى بيشتغل فى جمع العسل الجبلي من الغابات ,

طبعا المناظر ساحرة تركيا بقي هتكون ايه يعني ,يوسف هذا الملاك الصغير الذي لا يستطيع التحدث مباشرة مع احد حتي والدتة ولكنه فقط يتواصل بالهمس مع والدة ولكنه للأسف يفقد أخر شخص على الأرض كان يستطيع التواصل معه,

القصة عبارة عن إنتقال سلس بين لوحات جمالية دون ان تجد حاجه بايخه تفصلك ,الفيلم ده هو الجزء الثالث والأخير من ثلاثية "الروح " للمخرج التركي سميح أوغلو وهى بيض Egg,ثم حليب  Sut,واخرها عسل اوbal ,

الفيلم ده عملت بيه دماغ جامدة اوى هادئ كده ومن كتر بساطتة انت تتعقد ,الأبطال كمان وبالذات يوسف تحس انه ده تصوير طبيعي لحياتهم مش تمثيل خالص ,إختفاء والد يوسف وتوالي الأحداث بعد كده جميل حاسه اني ممكن افضل اتكلم عن جمال الفيلم لحد بعد بكرة ومش عايزه احرق لكم الأحداث ولو اني حرقت بعضها بس معلشي بقي ,الفيلم كمان اخد جوايز عالمية منها جايزة الدب الذهبي فى مهرجان برلين السينمائي.
وده اللينك بتاعه على IMBb

وده لينك تحميل الفيلم .