حالظابط..طز في جنابك

ده حالظابط أيمن ..يااتي طعمه

أيمن بقي او حالظابط ايمن طالب مثالي جداااااااا

حالظابط بقي كتب نوتس عظيمة وهايلة انا بعيوني اللي هياكلها الدود شفتها امبارح عشان ماابقاش بنقل كلام وخلاص وده اللينك بس هو اكيد شالها طبعا ..

والله لولا اني شفتها بعيني وشفت الكام تعليق اللي عليها ماكنت ضيعت وقتي و وقتكم ,بس الواد ده كذاب كذب الإبل..

ماعلينا دي بقى كلمات النوتس العظيمة اللي هو لما اتزنق تبرأ منها ..

ياللي بتتريق علي البوليس اكيد انت اخو ابليس

بكره ابو دبوره و شورت و كا ب حيخلو عيشه اهلك هبا ب

مع ان الشورت ده مش لبسنا ده لبس اللي زيك من الكلاب

واقف ترقص و عامل فرحان و انت بتشتم اللي بيحرسوا الاوطان

لو كنت راجل بحق و صحيح ما كنتش غلط فينا و انت بتصيح

لكن الشرطه يبني حرقاك لانها دايما معلمه علي قفاك

اكيد انت حرامي فراخ او قعدت في يوم علي المنفاخ

مهما يبني تلف و تدور ضباطنا يبني نور علي نور

مهما تقول انت و جمال مروان اللي ابوه جاسوس و بتاع نسوان

جنفضل نحميكي يا مصر يا غاليه مهما قالوا عملاء الامريكان

و دي رساله مني ليك قبل ما تموت و تغمض عينيك

اتقي الله يا واطي في بلادنا دول ضباطها سيادك مش لعبه في ايديك

ماسك جيتار يا خسيس اش فهمك انت في البوليس

كبيرك تعاكس الحريم او تاكلك شويه برسيم

لكن تتكلم عن الرجاله دي واسعه عليك يابو رياله

العيب مش عليك يا فكيك ده عيب ابوك اللي نسي يربيك

لو دخلت الشرطه أي يوم حتهرب ملط من غير هدوم

الشرطه دي فخر و صيت و انشأها الفاروق يا عبيط

كفاياك يا بني تنطيط و اسرحلك ببيض و صميت

احنا عايزين اعتذار من الرجاله مش الرقاصين الزباله

لو غلط فيه اللي اسمه رامي اكيد حعتيره زي أي حرامي

مش عجبك مباحث الاداب اكيد ماما هناك يا كداب

عامه يا بني جاموس اللي زيك بيعبد الفلوس

اخر كلمه حقولهالك الحق شوف اللي حيجرالك

ودي الصورة كمان..

شوف الكذب لما هو النوت بس نشرها لمجرد النشر وانه ضدها ادعي ان هو اللي مألفها وحاططها تحت عنوان "كلام جامد" طب اديني عقلك يامحترم واحد معترض على كلام وناقله هاه على اساس انه ناقله يحطه تحت الإسم ده ,والتعليقات اللي كانت عالنوت خسارة اني ماجاش في بالي اعمل لها برنت سكرين ,

لما بقي الزميل محمود الششتاوي بعت لينك بالنوتس لصفحة وزارة الداخلية عالفايسبوك ,ههههههه الواد جري جري مسح النوت وكتب استيتوس يقدم فيها إعتذار
بتعتذر عن ايه يا بأف

شوفوا بقى تعليق احد رفاق الكفاح الوطني بيرد علي إعتذاره بإيه ..!

دول بقي الشباب الورور بتوع الداخلية ,اتفرجوا ادي اللى لا راحوا ولا جم ده اللي جواهم فعلا إتجاة الشعب ..

دي البيج عالفايسبوك

ودي بقى البيج المضاد ههههههه  "جبهة الدفاع عن أيمن حبلص "..

طبعا مافيش لينك لأنهم عملوها كام ساعة ومادخلهاش غير 3 فمسحوها من كام دقيقة بالظبط..

عارفه ان ممكن حد يقول عني اني تافه ومضيعه وقت في مافيش

بس انا بقي بحطكم قدام الحقيقة المرة دي الداخلية وده توجههم ومش هيتغيروا  ولازم حل احنا مااتخلصناش من العادلي لسه عشان يطلع لنا سي حبلص افندي .


 حبلص افندي طز فيك انت وشلتك واللي يتشدد لك ياحيلتها منك ليه.



والله البوفق والبستعان
و فتكم بعافية برضة